Elsie Jjoubert

Persoon: DU PLESSIS Elsie Aletta Cecilia

 

Elsie is gebore op 26 Junie 1935 en sy vertel soos volg:
“Volgens wat ek van my ma verneem het, het ons daardie tyd op Clova, ‘n klein treinhalte in die Drakensberge gewoon.  My pa het aan die spoorlyn by van Reenenspas gewerk en het ons daar in ‘n spoorweghuis gewoon. Vir my geboorte is  hulle Sandspruit toe, dit is ongeveer 10 km vanaf Volksrust, en was tuis by tannie mien DELPORT, ‘n suster van my pa. Dit was glo ‘n yskoue wintersdag en die vroedvrou het my pa gevra om ‘n paraffienstofie te gaan leen anders sou my ma en ek verkluim. Toe ek twaalfuur die middag gebore is het die ryp glo nog spierwit gelê. Geen wonder ek is so koulik nie!!

Terwyl ons op Clova gewoon het, het my ma glo melk vir ‘n tiekie (2.5c) of ‘n sikspens (5c)  by ‘n swart vrou gekoop wat ‘n paar koeie aangehou het. Ek weet nie hoe lank ons daar gebly het nie, maar volgens my ma was my ouer broer, Willie, destyds ‘n siek kind wat asma-aanvalle gekry het en ek ‘n baie soet dogtertjie. Sy het my glo in ‘n paraffienkissie met kussings gestut en het ek my glo so in my spel verlustig dat sy my menigmaal daar aan die slaap gekry. Toe ek begin loop het sy ‘n swart meisie, Lizzie, gehuur om my op te pas.

My ma het vertel van die swaar tye wat hulle deurgemaak het want dit was glo depressiejare toe hulle getroud is en gedurende my en Willie se kleuterdae. Werk was skaars en die werkers het maar karige salarisse gekry Sy was ook nog maar jonk, slegs 17 jaar toe sy getroud is en op twintigjarige leeftyd toe ek gebore is was Willie maar eenjaar en drie maande oud.”

Bron: Elsie en Loutjie Joubert Snr.

Fotos - DU PLESSIS Elsie Aletta Cecilia

Clova (Clova) is a railroad siding (class S – Spot Feature) in KwaZulu-Natal, South Africa (Africa)
Clova is also known as Clova, Clove.
A Railroad siding is a short track parallel to and joining the main track.

Clova (Van Reenen)

 

LEONARD, Edward (Eduard) Johannes

Edward was ‘n veeboer en is die oupa van Maria Elizabeth Francina “Miemie” DU PLESSIS (Nee. LEONARD) en Susanna Gertruida “Sannatjie” SANDOW (Nee. LEONARD).

Sy oupa John Edward (Edward John), die stamvader in Suid-Afrika van hierdie spesifieke tak van die LEONARDS, arriveer in 1820 via Londonberry, Engeland en is volgens sy sterfkennis, van Limerick, Ierland afkomstig. John Edward trou op 5 November 1820 met Wilhelmina Hendrina KEMP in George.

Edward word ernstig gewond op 28 Feb 1900 tydens die Slag van Platrand, op die laaste dag van die beleg van Ladysmith.
Hy sterf op die 10de Maart 1900 in die hospitaal op Newcastle.

Stamboom Data

In die Kollig

 

LABUSCHAGNE, Susanna Gertruida
   
Gebore: 3 Sep 1860
Oorlede: 9 Sep 1929
Eggenoot: Edward Johannes LEONARD, asook Johannes Stefanus Cornelius BOTHA

In 1902 stel sy ‘n eis vir oorlogkompensasie in. In haar eis noem sy dat sy op daardie stadium in die burger/konsentrasiekamp in Volksrust is.

Haar moeder Anna Elizabeth Magdalena Johanna HATTINGH is in 1902 in die Merebank Konsentrasiekamp oorlede.
Twee van haar broers is gevange geneem en na Bermuda gestuur.

Sy het klaarblyklik ‘n groot vrees vir slange gehad en haar skoonseun, Daniel Stephanus Petrus COETZER (Stefaans), kon dalk ‘n groot bydrae hierin gehad het.
Hy was blykbaar ‘n slangbesweerder (“Snake charmer”) en kon ‘n slang hipnotiseer deur in sirkels om die slang te beweeg. Hy het dan die gehipnotiseerde/dronk slang opgetel en ‘n ongelukkige slagoffer gevind te treiter, soos hy dan ook met Susanna gemaak het.

Stamboom Data

Freda LINDE (Nee. JOUBERT)

Freda skryf in haar boek “Terug na die Mimosas” onder andere oor haar kinderjare op die familieplaas Bruintjiesrivier en gee ‘n insiggewende blik op haar ervaringe, die omgewing en die lewe op die plaas.

NS. Ons het in 2013 sonder sukses met Freda Linde probeer kontak maak in die tehuis in Kaapstad waar sy toe gewoon het, maar vermoed weens haar gevorderde ouderdom (90jaar op daardie stadium) was dit nie vir haar moontlik om op ons briefwisseling te reageer nie. Gelukkig gee haar boek biejie insig in die familie en lewe by Bruintjiesrivier.

Freda was die bekende skryfster (d. 07 Mrt 2013) wat reeds op heel jeugdige ouderdom begin skryf het. Sy het in Worcester en Kaapstad skoolgegaan. Sy tree op as redaktrise van Die Huisvrou en later as redaktrise vir twee welbekende uitgewers. Sedert 1971 lewer sy werk as vryskutskryfster. Sedert 1964 het sy sewe toekennings vir haar kinderboeke ontvang. Haar bekendste boek is “Die singende gras” waarvoor sy die Scheepersprys en die JH Hofmeyrprys ontvang het. Sy woon in Kaapstad en het in haar loopbaan twee bundels essays en minstens agtien kinder- en jeugboeke die lig laat sien.
(BRON: lindebond.co.za)

Diagram van verwantskap met:

Christovira Frederika (Freda) LINDE is the 2 x cousin of Lodewyk Christiaan JOUBERT
Stamboom Data